Fritz Lang

Fritz Lang
O director cinematografico y guionista Fritz Lang, en una imachen de 1929.
Información personal
Calendata de naixencia	5 d'aviento de 1890
Puesto de naixencia	Viena (Imperio Austrohongaro, hue Austria)
Calendata de muerte	2 d'agosto de 1976
Puesto de muerte	Beverly Hills (California, Estaus Unius)
Ocupación	Director cinematografico y guionista
Conchuche	Lisa Rosenthal (1919-1921) Thea von Harbou (1922-1933) Lily Latté (1971-1976)

Friedrich "Fritz" Christian Anton Lang, naixiu de Viena (Imperio Austrohongaro, hue Austria) o 5 d'aviento de 1890 y muerto en Beverly Hills (California, Estaus Unius) o 2 d'agosto de 1976, estió un director cinematografico y guionista (y ocasionalment actor y productor cinematografico) austriaco, que emigró enta la Republica de Weimar en os anyos 1920 ta desembolicar-ie a suya carrera cinematografica y albandonar o país ta refuchiar-se en Estaus Unius en plegar a o poder Adolf Hitler y establir en Alemanya o Tercer Reich. Lang prencipó a suya carrera en 1919, y recibió cuantos premios por o suyo treballo.

D'entre a suya filmografía, se puet citar as cintas Dr. Mabuse, der Spieler (1922, con Rudolf Klein-Rogge, Aud Egede-Nissen, Gertrude Welcker, Alfred Abel y Bernhard Goetzke), Metropolis (1927, con Alfred Abel, Brigitte Helm, Gustav Fröhlich y Rudolf Klein-Rogge), M - Eine Stadt sucht einen Mörder (1931, con Peter Lorre, Otto Wernicke y Gustaf Gründgens), Fury (1936, con Spencer Tracy, Sylvia Sidney, Walter Abel, Bruce Cabot, Edward Ellis y Walter Brennan), The Return of Frank James (1940, con Henry Fonda, Gene Tierney y Jackie Cooper), Hangmen Also Die! (1943, con Hans Heinrich von Twardowski, Brian Donlevy y Walter Brennan), Rancho Notorious (1952, con Marlene Dietrich, Arthur Kennedy y Mel Ferrer), u Beyond a Reasonable Doubt (1956, con Dana Andrews, Joan Fontaine, Sidney Blackmer y Arthur Franz).